Djabièrnè di Liberashon Spiritual 6´or pm


E 7 puntonan stratégiko ta:

1: pa kabes: ta eksistí hende ku ta ser tormentá pa mal pensamentu, ku ta hiba nan na pensa ku nan ta inferior. Nan ta sufri ku trouma I kompleho ku ta sera nan I no ta laga nan biba un bida normal. Nan ta sinti nan mes inkapas dilanti e problemanan I nan ta ser yená ku pensamentunan di suisidio, hibándo nan kaba ku nan propio bida.

2: pa orea: Tin problema ku ta pasa di mayor pa yu pa vários generashon, ku tin komo origen un maldishon ku un hende a skucha, pues palabra tin poder pa destruí I lanta bida di un hende.

3: pa wowo: Envidia I maldat di mal wowo, ta produsí ola negativo, ku ta bira e prinsipio di aktuashon maligno. Tin hende ku ta biba ku asina tantu miedu di violensia ku ta marka e sosiedat aktual, ku nan ta atraé e malu ku tantu miedu nan tin di dje pa nan, I pa nan sernan kerí.

4: pa boka: Tin kuminda, pasaboka of kos dushi ku ta ser presentá na spiritunan I ku por ser ingerí inkonsientemente, produsiendo enfermedat deskonosí. Ta eksistí kasonan di hende ku ta asina negativo, ku ku su palabra e ta pronostiká maldat. Gran parti di problema ta pa motibu di mal uso di palabra ku ta sali for di boka.

5:pa man: Esaki ta un punto masha komun kaminda malu por drenta sin ku niun hende ripará, ya ku nos mannan por risibí forsa negativo. E simpel echo di mishi ku algu, risibí sen of regalo ku a ser presentá na spiritunan, maldat por drenta den bo negoshi, na bo trabou I asta den bo pertenensianan.

6: pa pia: E víktimanan prinsipal ta hustamente esnan ku no ta kere ku e maldat aki ta eksistí. Nan ta frekuentá lugánan kargá ku forsa negativo, kaminda tin hendenan direktamente of indirektamente relashoná ku maldat I nan ta trapa riba lugánan, trabou of ofrenda hasí pa e spiritunan.

7: Pa lomba: Robo, envidia, traishon, ta algun di e aspektonan ku hende no ta tuma na kuenta ora nan sosodé, I ya ku e no tin manera pa previní, nan ta bira víktima di maldat. Su bida ta bira un desgrasia, pues ora nan ripará ta muchu lat.

Hasi e unshon kada dia di siman na e puntonan stratégiko I trese e katuna djabierne pa e ser konsagrá I pa bo sea liber di tur malu.