Obispu Macedo ta papia di Seru Hermon (Español)

Seru Hermon


"E ta manera serena di Seru Hermon, ku ta baha riba e serunan di Sion; pasobra ayanan SEÑOR a ordená e bendishon, bida pa semper." (Salmonan 133:3)

http://www.bispomacedo.com.br/es

Gran Inougurashon Ofisial di IURD Bonaire

Nos tin e plaser di informa henter e kumunidat di Boneiru e gra Inougurashon di nos Iglesia ku lo tuma lugá riba Djadumingu 24 de Februari pa 6´or di atardi. Lo ta un dia hopi spesial pa nos tur i for di awor nos ta invitabo pa participa di e gran evento aki, ku sigur lo trese bendishon pa bo i henter bo famia. Nos ta warbado!

Di fe pa Fe


Biba pa fe ta nifiká biba den dependensia di Spiritu di Dios.
E ta nifiká mira dilanti  semper;
E ta nifiká despresiá e momentunan tristu di pasado i bai dilanti;
E ta nifiká tuma poseshon di e promesa di Dios ku ta E mesun di ayera, awe i pa semper;
Di ku, meskos ku E tabata den pasado ku Su fielnan, E lo ta ku Su fielnan di awendia;
E ta nifiká ser surdu na e bosnan di mundu, na e konsehonan di e tèrko nan, speshalmente di esnan ku no tin nada di haber ku e fe bibu den e Dios Bibu;
E ta nifiká despresiá e opinionnan aheno i yena alma ku opinion di Dios;
E ta nifiká duda di e dudanan;
Desafiá miedu;
Duna bakoba putri na e sintimentunan kèns di kurason;
E ta nifiká definí bo mes komo un aliado di Dios;
E ta nifiká, definitivamente, apliká e konseho Dibino:
“...un kos mi ta hasi: lubidando loke ta keda atras i aspirando na loke ta dilanti…” Filipensenan 3:13
Kua ta bo fe? Bai dilanti sin wòri ku problema, òf bo a bandoná bo fe pa motibu di bo problemanan?
Obispo Macedo

Reino di Dios


Despues di kreashon, Dios a hasi Adam i Eva pa nan desaroyá Su Reino den Tera.
Nan a faya, i e Reino di Dios mester a warda.

Pa motibu di korupshon spiritual i moral, Señor mester a destruí humanidat i kuminsá tur kos di nobo ku Noe i su famia.
Pero nan tambe a faya i korupshon humano a prevalesé.
Un biaha mas, Reino di Dios riba Tera no por a kuminsá.

Dilanti di esei, Señor a yama Abram pa stablesé un nashon diferente na tur otro.
Un reino kaminda Hustisia lo prevalesé i Su pueblo lo sirbi komo referensia di Dios na Tera.
Pero e desendientenan di Abram tambe a faya, i Reino di Dios na Tera mester a warda.

Finalmente, komo ku Dios no por a stablesé Su Reino pa medio di e género humano, El a manda Su Yu Hesus pa stablesé Dios den kurason di esnan ku ta deseá.
Señor Hesus a kuminsá Su Reino na Tera pa medio di 12 apostel.

E siudadanonan di Reino di Dios na Tera, asina yamá Iglesia, lo ta dirigí pa Spiritu di Dios.
Pa e motibu ei, Pedro, dirigí pa Spiritu Santu, a manda su karta na e bèrdadero disipelnan di Hesus, bisando:
“Pero boso ta un pueblo skohí, saserdotenan real, un nashon konsagrá na Dios, propiedat di Dios mes, skohí pa proklamá e obranan magnífiko di Dios ku a yama boso pa Sali for di skuridat i drenta den su lus maravioso.” (1 Pedro 2:9)

E miembronan ku ta komponé e bèrdadero Iglesia di Señor Hesus Kristu no ta defende kualke bandera denominashonal.

Nan ta defendé nan komunion ku Dios Tata, pa medio di Dios Yu, bou di e direkshon di Dios Spiritu Santu;
Nan ta defendé nan Salbashon;
Nan ta defendé nan kondishon di yu di Dios;
Nan ta defendé nan karakter di saserdote (sirbidó) di Altisimo;
Nan ta defendée hustisia di Reino di Dios;
Nan ta defendé e echo di ta propiedat eksklusivo di Dios;
En fin, nan ta defendé nan fe mas ku natural.
Esei ta bida, i bida den abundansia.